El Grupu de Teatru Carbayín vuelve a sorprender poniendo n''escena una revista costumista, con tolos ingredientes d'esti tipu de teatru: Una trama d'enredu y disparatada, enllena de toques picantes (sin cayer no soez); seis númberos musicales que van dende l'estilu clásicu de la revista, hasta'l cabaret, la salsa o la balada heavy, coles voces en directo; una cuidada puesta n'escena y tol sabor de les revistes de los años 60.

La hestoria trata d'una casa de cites d'un pueblu mineru que va de capa caída por culpa la competencia. Cuando los problemes paicíen que yeren pocos, la llegada d'una monxa a la casa acaba d'enredar más l'asuntu, cuando les moces pretenden facese pasar por "una casa decente". Too ello bien acompañao con seis canciones:

"Bienveníos a Chez Telva"; "El capital", "Vístite como un home"; "Una casa decente"; "Manual de conquista" y "Despidida"